Turmush — Бүгүн, 15-сентябрда Ош шаарындагы С.Ибраимов атындагы улуттук драма театрында «Түштүк Экспо-2022» эл аралык универсалдуу көргөзмө-жармаңкеси өтүп жатат.
Иш-чарага Ош мамлекеттик университетинин табият таануу, туризм жана айыл чарба технологиялары факультети менен искусство факультетинин жамааты катышууда. Мында алар окутуучуларга, студенттерге тиешелүү эмгектерди коюшту.
Ошондой эле өлкөнүн 7 облусунан жергиликтүү ишкерлер, коңшу Өзбекстандан, Россиядан жана Белоруссиядан өндүрүүчү компаниялар катышып жатат.
«Түштүк Экспо-2022» эл аралык көп тармактуу көргөзмө-жармаңкесинин максаты Ош облусунда эл аралык соода-экономикалык мамилелерди өнүктүрүү, мындан ары бекемдөө, инвестиция тартуу жана жергиликтүү өндүрүүчүлөрдүн өндүргөн товарларын экспорттоого колдоо көрсөтүү болуп саналат. Бул иш-чара 2017-жылы башталып, алтынчы ирет өтүүдө.
