Turmush — Turmush басылмасы окурмандарды Кыргызстандын айыл аймактарынын бюджеттери менен тааныштырууну улантууда.
Ысык-Көл районунда 12 айыл аймак жана Чолпон-Ата шаары бар.
Ысык-Көл району — Кыргызстандагы эң курорттук аймактардын бири болуп эсептелет. Анда 150дөн ашык курорттук-рекреациялык объектилерди камтыган 9 курорттук комплекс бар.
Аймак туристтик-рекреациялык потенциалга ээ. Анын ичинде маданий мурас объекттери, архитектуралык жана тарыхый эстеликтер, мемориалдык жерлер, музейлер, маданий жана руханий мекемелерге бай.
Облустагы калктын саны 85 миңден ашык адамды түзөт, анын 89 пайызы айыл тургундары.
2022-жылга 12 айыл аймагынын жана Чолпон-Ата шаарынын жалпы бюджети 320 млн 612,1 миң сомду түздү, анын ичинен трансферттер 11 млн 314 миң сом. 2021-жылы бюджет 302 млн 64,5 миң сомду түздү, анын ичинен 19 млн 21,8 миң сом трансферттер.
Сандар көрсөткөндөй, 12 айыл аймактын 6 айыл аймагына республикалык бюджеттен кошумча каражат бөлүнөт. Кеп алардын компетенциясына кирген маселелерди чечүү үчүн финансылык мүмкүнчүлүктөрүн теңдөө максатында минималдуу мамлекеттик социалдык стандарттарга ылайык, жергиликтүү бюджеттин чыгашаларын каржылоону камсыз кылуу үчүн республикалык бюджеттен берилүүчү теңдөөчү гранттар жөнүндө болуп жатат.
Эң көп бюджети бар ТОП-3кө Бостери, Тамчы жана Чоң-Сары-Ой кирди.
Тамчын айыл өкмөтү (Чырпыкты айылы) менен Тору-Айгыр айыл өкмөтүнүн ортосунда (Тору-Айгыр айылы) Асман — келечектеги «Экологиялык таза шаарынын» курууну көздөшүүдө.
