Turmush — Райымбеков Кыялбек Райымбекович Ысык-Көл райондук мамлекеттик администрациясынын башчысы — акимдин биринчи орун басары болуп дайындалды. Бул тууралуу Turmush басылмасына райондук мамлекеттик администрациядан билдиришти.
Кыялбек Райымбеков 1990-жылы 12-апрелде Ысык-Көл районунун Жаркынбаев айылында туулган.
Билими:
- 2008-2013-жылдары Бишкек финансы-экономикалык академиясында финансы менеджменти адистигине ээ болгон;
- 2015-2016-жылдары Кыргыз Республикасынын президентинин алдындагы мамлекеттик башкаруу академиясында мамлекеттик жана муниципалдык башкаруу адистигине ээ болгон.
Эмгек жолу:
- 2013-жылдын октябрь айынан 2017-жылдын июль айына чейин Ысык-Көл райондук мамлекеттик администрациясында жетектөөчү адис;
- 2017-жылдын июль айынан 2020-жылдын март айына чейин Ысык-Көл райондук мамлекеттик администрациясында башкы адис;
- 2020-жылдын март айынан 2021-жылдын февраль айына чейин Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлчүлүгүндө жетектөөчү адис;
- 2021-жылдын март айынан 2021-жылдын ноябрь айына чейин Көгүлтүр Ысык-Көл санаторийинде экономист;
- 2021-жылдын ноябрь айынан ушул күнгө чейин Ысык-Көл райондук мамлекеттик администрациясында аппарат жетекчи болуп иштеп келген.
Буга чейин бул орунда Мамбеталиев Рамис Русланович иштеп келген. Ал башка кызматка дайындалган.
